(有片) 3日2夜东京近郊观星+富士山温泉行程
是次行程嘅进出点设定为新宿，而呢张JR Pass可以喺东京成田＆羽田机场，或者喺新宿站嘅新南口、新宿站JR东日本旅行服务中心等大站买到。于日本国内购买价格为10,000円，使用限期为指定开始日起连续3日。
使用JR Pass由新宿坐至大月站，再转富士特急线往河口湖站（车程约2小时10分钟）。
河口湖景点：
河口湖音乐盒之森美术馆名为美术馆，实际其实係个音乐主题公园，馆内包办观光、听音乐、体验活动、饮食、购物，标榜快行可以玩90分钟，慢慢玩可以玩足一日。馆内最大特色係有好多自动演奏乐器，配合埋美术馆极具异国风情嘅设计，好有代入咗《美女与野兽》嘅感觉。
叫得音乐盒之森，就梗係唔少得买音乐盒啦！唔单止可以买，仲可以体验亲手製作音乐盒。音乐以外，仲有特製朱古力同原创熟成红酒。
玩到攰想食嘢，就可以安坐餐厅，奢侈地边望住富士山，边品尝美食。
音乐馆内係一大片玫瑰园，有720种品种，1,200棵不同颜色嘅玫瑰。9月份有大波斯菊、蓝星花、鼠尾草、天竺葵等带有秋色嘅花种睇！错过咗6月嘅玫瑰盛放期，都仲有多种花睇！
观光资料：
河口湖音乐盒之森美术馆（河口湖オルゴールの森美术馆）
前往方法：于河口湖站乘的士（车程约16分钟）或在河口湖站的1号巴士站乘「河口湖周游レトロバス」接驳巴士到美术馆前下车
入场费：成人1,500円、中小学生800円
官方网页
大石公园大石公园位于河口湖北岸，可以一次过睇匀河口湖同富士山嘅景色！而且一年四季都有唔用嘅花睇，无论咩季节去都唔会失望而回。
公园西侧仲有全长350m嘅「花街」，呢段夏末至初秋嘅时期，更可以欣赏到一大片扫帚草！由6月下旬至10月初旬，亦有全长130m，高3m嘅秋海棠「花之瀑布」！10月中旬至下旬则可睇到扫帚草红叶。
地址：
【大石公园】山梨县南都留郡富士河口湖町大石2585
前往方法：
【大石公园】于富士急行线河口湖站前乘坐河口湖线旅游巴，在终站自然生活馆下车
相关资料
河口湖天上山公园可于河口湖乘览车上山顶嘅「河口湖天上山公园」，园内有散布四周嘅兔仔同狐狸嘅摆设。除此之外，仲有祈祷观光客及登山安全嘅「兔子神社」，守护符都係粉红色嘅兔仔形状！
设置喺展望台嘅心形「天上之钟」，刚好同面前嘅富士山重叠，係一个特别嘅power spot！祈祷恋爱及冇病冇痛嘅人群会排队敲钟。
地点资料：
河口湖天上山公园（カチカチ山ロープウェイ）
地址：山梨县富士河口湖町浅川1163-1
前往方法：于河口湖站乘坐河口湖周游巴士，约11～16分钟车程（于游览船ロープウェイ入口下车）
相关资料
河口湖住宿：
1） $2,607起・湖南庄望住富士山食怀石料理
酒店的最大卖点，是全部的客房都拥有无敌的景观，但必须于（河口 ）湖景或（ 富士 ）山景之中二拣一，不能贪心！另外，大部分房间都在近年翻新及装修过，不少更增设露天温泉，最适合追求私人空间的游客！如果不想花太多钱，入住一般客房都可以于大浴场及天台的汤足边浸边欣赏富士山！
景观：★★★★☆
舒适：★★★★★
设备：★★★★☆
超抵住！睇晒山景湖景
全馆都是西式客房，部分更设有露台，可以同时间欣赏富士山加河口湖景色！酒店虽然比较残旧，但大浴场的富士山景色一流，加上房价平，不想花大钱又想住温泉酒店的话，可以考虑！
景观：★★★☆☆
舒适：★☆☆☆☆
设备：★☆☆☆☆
其他住宿地方选择
DAY 2：河口湖→ 阿智村使用JR Pass由河口湖坐到大月，再乘往小渊泽。喺小渊泽下车后，需转乘JR中央本线・松本行或其他途经上诹访站嘅电车。（※JR Pass範围不包括由小渊泽到上诹访的车程，出闸时需到服务中心补约496円，如乘坐特急电车需补约1,246円）（车程约2小时30分钟）
阿智村 天空之乐园阿智村位于长野县嘅南方，被大自然围绕，係日本环境省认定的日本第一靓星空嘅村。阿智村标高约1,400m，因为地点够高，市区嘅灯光照唔到上去，高地亦拉近咗同天空嘅距离，睇星星特别清。
每晚8点，天空之乐园就会举行晚间观星tour，名为「SOUND OF THE STARS」，会场会将所有灯光熄灭，然后彷彿伸手可及嘅无尽星空，就会蔓延开来。
满天星空之下，大会更会安排导赏进行星空解说，以及播放原创影片。会场亦安置咗大量天文望远镜，进行观星活动，仲有超人气，「星星哥哥的爆笑starlight show」等各种娱乐活动，令你嘅观星之夜唔係真係只得睇星！
活动资料：
天空の楽园 日本一の星空ツアー
地址：富士见台高原ロープウェイ ヘブンスそのはら〒395-0304 长野县下伊那郡阿智村智里3731-4
入场费：成人 2,200円、中小学生 1,000円、未就学儿童免费※包含吊车来回乘车费
前往方法：在茅野站乘坐穿梭巴士（来回・完全预约制）到Star Village阿智（スタービレッジ阿智）【车程约1小时20分钟】
官方网址阿智村住宿：
1）汤多利之里 伊那华特色：10种岩盘浴（具排毒美容效果）、露天浴池、个人汤屋
景观：★★★★☆
舒适：★★★★☆
设备：★★★★☆
套票价格包埋观星会场接送同吊车乘车票，优惠期为4月14日至10月20日，一晚价格约11,500円起。包早、晚各一餐，旅馆对出就有一条小溪流「阿知川」，附近更有靓爆花桃之里，4月尾～5月初係花桃嘅开花期，约5,000棵红、白、粉红色花桃盛放。
特色：洞窟风吕、美肌汤温泉、露天浴池
景观：★★★★☆
舒适：★★★★☆
设备：★★★★☆
呢间係温泉酒店，而且同样有观星套票，预订套票更会送埋你一人一支酒店原创嘅酒「天空的水滴（300ml）」作为礼物。套票优惠期为4月14日至10月20日，一晚价格约16,620円，包早、晚各一餐，同观星会场接送服务，酒店附近更可到农园体验摘水果，或者参加半日巴士游，发掘昼神好玩嘅地方！
其他住宿选择
银河红叶营地觉得又上又落好麻烦嘅话，仲有一个经济又实惠嘅地方，一个地点搞掂晒观星＋住宿！
位于阿智村浪合嘅银河红叶营地，係太平洋暖地形气候同日本海寒冷地气候嘅交界，被大自然包围，向南方向仲有一大片冇遮挡嘅天空，係夜观星象嘅绝好地带！营内区域全部用星座嚟命名，个feel即刻出晒嚟！
游客可选择租住帐篷或木屋，木屋主要分为2大区，白桦区被一片白桦木林围绕，夏天非常凉爽，全幢AC电源完备；红叶区于午分时间起，就可以睇到一整片蓝天，晚上更可以睇到犹如银河嘅星空！但需要留意嘅係，营方唔会提供床或其他睡眠用品，係要自己带去！想更有气氛嘅推荐住帐篷，仲可以边烧嘢食边观星。
不过要book呢个营地就会麻烦啲，网上预约嘅话，要填表格再电邮番畀营地，而且表格只有日文。营内规则较多，地点偏僻，想去嘅话，最好搵识日文嘅朋友同行，自驾游嘅话会方便啲。唔揸车嘅话，就要做好啲功课喇！即使唔想住营，都可以只买票入观星热点嘅高尔夫球场睇星星。
活动资料：
银河もみじキャンプ场
地址：〒395-0501 长野县下伊那阿智村浪合1771-1
前往方法：乘JR饭田线于饭田站下车，转乘信南交通嘅巴士到こまんば，再徒步约10分钟
官方网址
DAY 3：阿智村→ 新宿第3日係JR Pass最后嘅使用限期，于是就搭尽佢，返东京都放心啦！首先搭番巴士出茅野站，乘坐JR中央本线・塩山行往小渊泽（约410円），再喺小渊泽坐JR东日本线到新宿，旅程嘅最后就以大都会shopping嚟收尾！
・使用JR Pass乘JR东日本线到大月，再转富士急行线前往河口湖（车程约2小时10分钟）
・游览河口湖景点
・入住河口湖当地酒店
DAY 2：河口湖→ 阿智村・使用JR Pass由河口湖坐到大月，再乘往小渊泽，于小渊泽下车后，需转乘JR中央本线・松本行或其他途经上诹访站嘅电车
（※JR Pass範围不包括由小渊泽到上诹访的车程，出闸时需到服务中心补约496円，如乘坐特急电车需补约1,246円）
（车程约2小时30分钟）
・于上诹访站乘坐直达巴士前往昼神温泉（※完全预约制・来回票价2,500円）（车程约1小时30分钟）
・游览昼神温泉乡／附近景点・观赏日本第一星空
・入住阿智村当地温泉温店
DAY 3：阿智村→ 东京新宿・于昼神温泉乘坐直达巴士前往上诹访站
・在上诹访站乘JR中央本线・小渊泽行，前往小渊泽（不包括在JR Pass中，需另付约496円，如乘坐特急电车需付约1,246円）
・在小渊泽转乘JR特急（自由席）线前往东京新宿
・如第3日便于羽田机场离日，可使用JR Pass前往羽田机场国际线大楼
下一页：【日本红叶2018】东京近郊红色扫帚草｜茨城日立海滨公园+海鲜市场+泡温泉行程（附交通教学）